Sekretari i Përgjithshëm i NATO-s, Jens Stoltenberg, ka akuzuar Rusinë “kërcënim të zhurmshëm” bërthamor, pasi Moska njoftoi se do të shtojë arsenalin e saj bërthamor, këtë të martë, si dhe paralajmëroi se ky veprim i Putinit është veçse “destabilizues dhe i rrezikshëm”.
Gjatë një konference për shtyp në Bruksel, Stoltenberg tha se një retorikë e tillë nga Moska shpjegon në mënyrë faktike gatishmërinë në rritje të aleancës perëndimore në mbrojtje të vendeve anëtare me forcat e saj.
“Ky gjëmim kërcënues i Rusisë është i pajustifikueshëm, – tha ai. Është destabilizues dhe i rrezikshëm. Megjithatë, është diçka të cilën ne do ta adresojmë, por është gjithashtu edhe një prej arsyeve përse jemi duke rritur gatishmërinë dhe përgatitjen e forcave tona”.
“Ne do t’i përgjigjemi Rusisë, duke siguruar se NATO, edhe në të ardhmen do të mbetet një aleancë, e cila ofron masa parandaluese dhe mbrojtëse për të gjithë aleatët e saj, kundrejt çdo kërcënimi”, tha Stoltenberg.
