Kreu i Çështjeve Fetare të Turqisë, kritika Papa Françeskut për Srebrenicën: Pse nuk e quajti gjenocid?!

Kreu i Entit për Çështje Fetare (Diyanet) të Turqisë, Mehmet Görmez, një akadamik që mban gradën shkencore profesor-doktor në filozofi, ka rikthyer edhe një herë çështjen e trajtimit të masakrës barbare në Srebrenicë, duke theksuar se shumë nga institucionet perëndimore përdorin dy standarde.

Görmez, ka reaguar ndaj Papa Françeskut i cili nuk përdori fjalën “gjenocid” gjatë vizitës së tij në Sarajevë në muajin qershor dhe ndaj Këshillit të Sigurimit të OKB-së, ku si pasojë e vetos së Rusisë nuk u pranua projekt rezoluta “Srebrenica”.

Ai, duke vënë në dukje keqardhjen e tij që Papa Françesku nuk cilësoi si “gjenocid” përjetimet e ndodhura në Srebrenicë gjatë vizitës së tij në Sarajevë u shpreh se: “Në rast se është kryer një krim ndaj njerëzimit, nëse dinjiteti njerëzor është nëpërkëmbur, pavarësisht se çfarë feje, race apo gjuhe qoftë ai, ajo që ne kemi detyrë është që të tregojmë një reagim të plotë.

Shpresoj se kjo në kohët e ardhshme do të kuptohet edhe më mirë dhe do të kryhen shpjegimet e nevojshme”.

Görmez duke vlerësuar mos pranimin e projekt rezolutës “Srebrenica në KS të OKB pas vetos së Rusisë ai ka vlerësuar se: “Gjëja që më rëndoi më shumë zemrën gjatë vajtjes në Srebrenicë ishte varja në rrugë e fotografive të Presidentit Rusisë, Vladimir Putin,  vend i cili vendosi veton ndaj kësaj rezolutës për këtë masakër. Kjo tregon se ende disa në këto troje nuk kanë nxjerrë mësim. Për këtë shpreh keqardhjet e mia. Lufta ku OKB-ja e ka humbur reputacionin e saj para gjithë njerëzisë është lufta e Bosnjës.

Njerëzit që jetonin në Srebrenicë ndodheshin nën kujdesin e OKB-së, nën kujdesin e holandezëve. U masakruan edhe pse ndodheshin nën kujdes dhe nuk mundën të bënin asgjë”.

Görmez, ka shtuar gjithashtu se tregimi i mëdyshjes ende edhe pas 20 vitesh i OKB-së në lidhje me këtë çështje, është me të vërtetë shqetësuese që mundohen ta kalojnë me veto./tesheshi.com/