Naim Tërnava, Myftiu i Kosovës, ka uruar ipeshkvin e Ipeshkvisë së Kosovës, Dodë Gjergji, me rastin e festës së Pashkëve.
Tërnava tha se ka nderin dhe kënaqësinë që në emrin e tij personal dhe në emër të bashkëpunëtorëve të tij si dhe në emër të besimtarëve të besimit Islam t’u përcjell Juve personalisht, bashkëpunëtorëve tuaj si dhe të gjithë besimtarëve të besimit katolik urimet e tija më të sinqerta duke u dëshiruar gjithë të mirat e begatitë e Zotit.
“Uroj që mesazhet dhe porositë që dalin nga festa e pashkëve të jenë si gjithherë në funksion të fisnikërimit të popullit tonë dhe gjithë popujve në botë”, thuhet në urimin e Tërnavës.
“Festat tona, si gjithherë janë rast i posaçëm për të shprehur e kultivuar mirëkuptimin, respektin, vëllazërinë, dashurinë, solidaritetin e humanitetin për familjen, vëllanë, komunitetin e tërë njerëzimin. Duke ju përshëndetur vëllazërisht edhe njëherë ju uroj Juve i nderur Ipeshk dhe gjithë besimtarët e krishterë me lutje për suksese, mbarësi, shëndet, fat e dashuri”, përfundon urimi i Myftiut të Kosovës, Naim Tërnava.
