Liderët e Luginës së Preshevës kanë pohuar sot për agjencinë e lajmeve “Presheva jonë” se nuk janë në dijeni nëse Hashim Thaçin e kanë ftuar apo jo në Beograd, por ata thonë se vizita e tij në Beograd pa e vizituar Preshevën është e pahijshme dhe injoruese për 100 mijë shqiptarët e Luginës.
Thaçi nuk mund të normalizojë marëdhëniet me Serbinë vetëm me një shtrëngim duarsh me qeveritartët serb pa zgjidhjen e çështjes së Luginës së Preshevës. Prandaj, pa Preshevën vizita e Thaçit në Beograd do të jetë e zbehtë dhe e pakuptimtë”, ka deklaruar sot Jonuz Musliu, kryetar i KKSH-së.
Edhe pse ende nuk eshte konfirmuar zyrtarisht kjo “vizitë” e Thaçit më 24 prill në Beograd, liderët e Luginës së Preshevës kanë ngritur kërkesat e tyre.
“Prandaj, Thaçi edhe nëse shkon në Beograd të shkojë si burrë, si kryeministri shqiptar Edi Rama, të ia thotë troç Beogradit për Kosovën dhe për shqiptarët e Lugines së Preshevës. Përderisa Daçiç e Nikoliç sa herë shkojnë në Kosovë ata vizitojnë Veriun, madje duke thënë se Kosova eshte djep i Serbisë, atëherë, pse edhe lideret kosovarë, në këte rast Hashim Thaçi të mos e vizitojë Luginën e Preshevës. Ai kur nuk ishte në pushtet i thoshte vazhdimisht Kosovë Lindore”, ka pohuar në vazhdim Musliu.
