Një takim i papritur është zhvilluar sot ndërmjet një komandanti të lartë të NATO-s dhe kreun e ushtrisë së Maqedonisë në kampin amerikan Bondsteel në Kosovë. Situata problematike në kufij, ka sjellë në një vizitë urgjente në Kosovë Komandanti i Forcës së Bashkuar të Krahut Jugor të NATO-s.
Krahu Jugor i NATO-s me qendër në Napoli ka në administrim Ballkanin e konkretisht edhe forcat e KFOR.
Admirali amerikan. Mark E. Ferguson III, Komandanti i KPF në Napoli është takuar me pjesëtarë të komunitetit serb në Kosovë në vizitën e tij zyrtare dy ditore në KFOR.
Gjatë takimit u diskutuan disa çështje, në mes të cilave edhe krijimi i Asociacionit të Komunave Serbe dhe procesin e kthimit. Gjenerali Figliuolo konfirmoi që KFOR-i “i kushton një vëmendje të veçantë sigurisë për të gjitha minoritetet që jetojnë në Kosovë” dhe ai po ashtu nënvizoi që siguria dhe stabiliteti në Kosovën veriore është njëra nga përpjekjet kryesore të KFOR-it.
Admirali Ferguson pati një takim me Ministrin e Punëve të Brendshme të Kosovës, Skender Hyseni dhe Drejtorin e Përgjithshëm të Policisë së Kosovës, Shpend Maxhuni, me të cilët ata diskutuan për zhvillimet e fundit të situatës së sigurisë në Kosovë; Admirali Ferguson më pas, i shoqëruar nga Gjenerali Figliuolo fluturoi për në Kampin Bondsteel për të mbajtur një takim të Nivelit të Lartë me Shefin e Mbrojtjes së IRJM-së, Gjeneral-lejtnant Goranco Koteski.
Ky takim u përqëndrua kryesisht në situatën e sigurisë përgjatë vijës kufitare në mes të IRJM-së dhe Kosovës dhe verprimeve dhe masave që KFOR-i është duke i kryer së bashku me Policinë e Kosovës për të forcuar sigurinë në këtë zonë. Para largimit për në Napoli, Komandanti i KPF-së dhe Gjenerali Figliuolo mbajtën edhe një takim të fundit me krerët e misioneve të UNMIK-ut, EULEX-it, OSCE-së dhe përfaqësuesin BE-së për mbështetjen e KFOR-it këtyre misioneve./tesheshi.com/
