Komisioni Qendror i Zgjedhjeve ka përjashtuar nga zgjedhjet e 21 qershorit partinë e vetme që përfaqëson të përndekurit politikë nga diktatura komuniste, duke mos e lënë që të konkuroje e lirë.
KQZ e cila drejtohet nga mazhoranca e përfaqësuesve të PD-së, 4 me 3, ka lënë jashtë Partinë për të Drejtat e Mohura, pikërisht dy ditë kur kjo forcë politike shpalli daljen nga koalicioni me PD-në.
![Ilir Vata, kryetar i PDM](https://localhost/tesheshi/wp-content/uploads/2015/04/ilir-vata10-300x200.jpg)
Nga 26 parti politike që nuk kishin dorëzuar në afat fondin për partitë politike vet,ë Partia e të Drejtave të Mohura me vendim të KQZ-së nuk u lejua të marrë pjesë në zgjedhje dhe është e detyruar t’i drejtohet Kolegjit Zgjedhor në Gjykatën e Apelit Tiranë me 07.04.2015.
KQZ, favorizoi 26 parti për paratë e përdorura në zgjedhjet parlamentare, kurse PDM e penalizon sepse nuk i ka kthyer. Ndërkaq, kryetari i PDM-së, Ilir Vata, në një deklaratë publike ka akuzuar kreun e KQZ-së Lefteri Lleshi për hakmarrje politike dhe ka kërcënuar se do të zhvillojë një grevë urie pa afat Brenda sallës së mbledhjeve të KQZ-së. “Kjo është shkelje e të drejtave, një veprim brutal që vetëm diktatura e ka bërë ndaj nesh, ndaj ne nuk tërhiqemi nga një e drejtë universal dhe kushtetuese”, ka bërë tëe ditur Vata.
/tesheshi.com/