Kandidati i PS-së për Bashkinë e Dibrës, Muharrrem Rama, nuk rezulton të ketë probleme me ligjin, ndryshe nga sa ka deklaruar ish-kryeministri Berisha, duke cituar të ashtëquajturin “qytetar dixhtal”.
Garancinë e ka dhënë kryetarja e Komisionit Qendror të Zgjedhjeve, Lefteri Luzi, sipas së cilës, na verifikimet ligjore, kandidati Rama rezulton i pastër:
Në një prononcim për Gazeta Shqiptare, znj. Luzi citohet të ketë thënë se: “Ligji për dekriminalizimin parashikon që KQZ-ja të bëjë verifikimin e personave që janë zgjedhur, ku përfshihen edhe këshilltarët bashkiakë, funksion të cilin kandidati në fjalë e ka ushtruar; formulari i tij i vetëdeklarimit është i publikuar në faqen e web-it të KQZ-së dhe, përveç verifikimit, ku shikohet nëse subjekti deklarues ka plotësuar ndonjë nga rubrikat e formularit apo jo, KQZ-ja i kërkon informacion Zyrës së Gjendjes Civile dhe Zyrës së Gjendjes Gjyqësore nëse personi ka pasur emra të mëparshëm apo dënime penale me vendim të formës së prerë nga gjykatat shqiptare apo jo. Informacione të cilat krahasohen me të dhënat që vetë subjekti ka deklaruar në formular. Nga ky verifikim rezulton se zotëria nuk është në kushtet e ligjit 137/2015 për heqjen e mandatit apo verifikim të thelluar nga organet e tjera ligjzbatuese”.
Një ditë më parë, Berisha denoncoi me anë të “qytetarit dixhital”, atë që e quajti kandidim të “një njeriu me probleme më drejtësinë zvicerane i implikuar në trafik droge”. Madje nuk ngurroi që ta krahasojë dhe me Rroshin e Kavajës, duke anashkaluar faktin se ndryshe nga Elvisi, i cili kishte një karrierë apo profesion prej “emigranti”, Muharremi i Dibrës ushtron profesionin e kirurgut prej vitesh në spitalin e Peshkopisë.
/tesheshi.com/
