Kryeministri Rama ka bërë me dije më në fund shifrën e pritshme të kostos financiare të tërmetit, që është shumë më tepër nga ajo çfarë u përfol ato ditë, madje prej zëra specialistësh. 500 milion euro – do deklaronte një prej tyre, inxhiner Arben Meçe.
Por ja që është dyfishi, e kjo e dalë nga vetë goja e shefit të qeverisë. Bëhet fjalë për 1 miliard euro. Shifra u artikulua nga Rama në një takim që ai pati në Romë me kreun e diplomacisë italiane, Luigi Di Maio.
Shqiptarja.com raporton se pas një përkthimi që i ka bërë komunikimit të Ramës me Di Maion, përcjellë në videon e rastit, është dëgjuar t’i thotë bashkëbiseduesit se “raporti do të jetë gati për pak ditë por deri tani është përllogaritur rreth një miliard (euro)”. “Një miliard?! Shumë. Por unë kam besim se në Konferencën e Donatorëve do ta gjejmë një zgjidhje”, i përgjigjet kreu i diplomacisë së Romës. /tesheshi.com/
