Nga Blendi Gashi
Vrasja e ndodhur para një jave në Prizren për shkak të fenomenit të fajdeve ka ngritur zërin e deputetëve të Kuvendit të Kosovës.
Ligjvënësit kanë kërkuar që institucionet përgjegjëse sa më parë të ndërmarrin hapa dhe t’i thuhet STOP, këtij fenomenti që po zhvat qytetarët që nga paslufta.
Deputeti i Lidhjes Demokratike të Kosovës Armend Zemaj, ka qenë i pari që ka ngritur zërin në Parlament për këtë fenomen shqetëues.
Zemaj ka thënë se akoma ky fenomen nuk ka marr goditje akomna nga policia, por më së paku nga gjykatat dhe prokuroritë.
Ai ka ftuar Policinë e Kosovës, Ministrinë e Punëve të Brendshme që të ndërmerr një operacion në nivel vendi dhe të godas në mënyrë ligjore të gjithë ata që po zhvatin qytetarët e vendit. Ai ka thënë se se njerëzit që po merren me fajde kanë përkrahjen e Politikës.
“Fenomeni i fajdeve është problem i cili akoma nuk ka marrë goditje as nga Policia e më së paku nga Gjykata dhe Prokuroria. Zhvatja për qytetarët e varfër dhe zhvillim të krimit të organizuar në vend. Ka pasur ikje të qytetarëve pikërisht nga ikja i këtij fenomeni. E ftoj Policinë e Kosovës, Ministrin e Punëve të Brendshme që në operacion në nivel vendi të godasë në mënyrë ligjore ata që po i zhvatin njerëzit e bizneset. Po shpresoj që kjo çështje do të ngritët në nivel më serioz. Në Deçan, Pejë, Junik e Gjakovë, bizneset nuk mund të kenë biznes të lirë nga fajdexhinjtë”, ka deklaruar Zemaj.
Shqetësimin e tij për këtë fenomen e ka ngritur edhe deputeti Zafir Berisha që vjen nga qyteti i Prizrenit, qytet ky më i atakuari nga haraçi. Deputeti Berisha ka thënë se Kosova vazhdon të jetë në gjendje të papranueshme për jetën normale të qytetarëve, veçanërisht me fenomenin e haraçit dhe fajdes.
“Në Prizren shumë shpesh ndodh që qytetarët me përfundu në mënyrë të ndryshme, dhe skenat e kaubojve në Prizren janë të papranueshme. E ftoj ministrin e Drejtësisë dhe Ministrinë e Punëve të Brendshme se ku gjendet situata në Prizren në këto fenomene shqetësuese. Kisha ftuar urgjent instituconet e vendit që urgjentisht ta marrin këtë çështje dhe këtë fenomen që është në lulëzim që nga paslufta. Shenjat lokale tregojnë që është vonë”, ka deklaruar Berisha. /tesheshi.com/
