Nga dita e diele, Ballkani do të ndikohet nga fushat me presion të ulët atmosferik dhe në këto kushte, sips Institutit Hidrometeorologjik të Kosovës, do të mbajë mot kryesisht i vranët dhe me reshje shiu. Në Kosovë, këto reshje në vise me lartësi mbi 800 m do të përcillen edhe me dëborë. Temperaturat minimale do të lëvizin në mes 2 e 4 gradë celsius, kurse maksimalet e ditës do të lëvizin nga 7 deri 9. Do të fryjë erë nga ana e juglindjes e më pas nga verilindja, me shpejtësi 1-9 m/s.
“Një gjendje e këtillë e motit me reshje shiu dhe dëbore do të na përcjell deri ditën e merkurë, era do të vazhdojë gjatë gjithë javës ta mbajë drejtimin e verilindjes, ndërsa temperaturat maksimale do të pësojnë rritje të lehta pas ditës së mërkurë”, thekson Instituti Hidrometeorologjik i Kosovës.
Në Prishtinë e anë tjera të Kosovës dëbora e parë e kësaj pranvere nisi të reshë në mbrëmjen e 1 prillit. Pranvera në Kosovë ka ardhë pas një dimri të gjatë e me shumë doborë, që reshi edhe në pragfestën e Ditës së Verës – 14 marsit.
Në kryeqytetin kosovar dëbora e parë e dimirt që ka ikur ka reshur dy muaj para ardhjes me kalendar, që në vjeshtë – natën mes 22 e 23 tetorit
