Federata e Volejbollit të Kosovës wshtw pranua në Federatën Ndërkombëtare të Volejbollit. Ministri i Kulturës, Rinisë dhe Sportit, Kujtim Shala, e vlerëson këtë si sukses të jashtëzakonshëm për Kosovën, dhe me këtë rast, përgëzon drejtuesit e Federatës së Volejbollit të Kosovës, si dhe të gjithë ata që kanë kontribuuar për këtë sukses të volejbollit kosovar.
Po ashtu, ministri Shala i përgëzon volejbollistët, dhe atyre iu dëshiron suksese në avancimin e mëtejme të këtij sporti shumë të rëndësishëm në arenën ndërkombëtare.
“Ky lajm është shumë i mirë për sportin tonë, dhe një hap tjetër shumë i rëndësishëm, i cili ndihmon në përshpejtimin e ndërkombëtarizimit dhe njohjes së sportit tonë në arenën ndërkombëtare”, ka theksuar ministri Shala, dhe ka shtuar se Ministria do të qëndrojë në vazhdimësi pranë sportit të Kosovës, do ta mbështesë atë në ngritjen cilësore dhe në afirmimin e tij në rrafshin ndërkombëtar.
