Zv/kryeministri i Kosovës Besnik Bislimi dhe ministri i Kulturës Hajrulla Çeku prezantuan një program për shënimin e 15-vjetorit të shpalljes së pavarësisë së Kosovës dhe 25-vjetorit të rënies së Adem Jasharit. Programi do të zgjasë afro 30 ditë.
Në një konferencë për media në Prishtinë, Çeku tha se përkujtimi do të fillojë të enjten dhe do të zgjasë deri më 12 mars.
Gjatë kësaj periudhe, siç bëri të ditur ai, çdo ditë do të mbahen programe dhe ngjarje të ndryshme kulturore, artistike dhe sportive.
Adem Jashari ishte themeluesi dhe udhëheqësi i UÇK-së, figura më heroike e pavarësisë së Kosovës.
Adem Jashari, vëllai i tij Hamez Jashari dhe disa anëtarë të grupit të tij u vranë nga forcat serbe më 6 mars 1998 në fshatin Prekaz.
Kosova e shpalli Adem Jasharin hero kombëtar dhe atij iu ngritën përmendore në Prishtinë, Tiranë dhe Shkup.
Më 17 shkurt 2008, Kosova shpalli pavarësinë nga Serbia.
Në seancën e jashtëzakonshme të Kuvendit të Kosovës, të 109 përfaqësuesit e pranishëm u shprehën për Shpalljen e Pavarësisë.
Që nga viti 1999, pasi NATO-ja bombardoi Republikën Federale të atëhershme të Jugosllavisë (Serbinë dhe Malin e Zi) për shkak agresionit në Kosovë, Kosova ka qenë nën administrimin e Kombeve të Bashkuara, por ende konsiderohej si pjesë e RFJ-së, kështu që Deklarata e Pavarësisë ishte hapi i parë drejt pavarësisë. /tesheshi.com/
