Në Prishtinë dhe anë tjera të Kosovës sot, në ditën e gjashtë të muajit prill, po bie dëborë. Reshje dëbore kishte edhe natën dhe mëngjesi çeli me imazhe bardhësie, dimri në praneverë.
Në kryeqytetin kosovar dëbora e parë e kësaj pranvere nisi të reshë në mbrëmjen e 1 prillit. Pranvera në Kosovë ka ardhë pas një dimri të gjatë e me shumë doborë, që reshi edhe në pragfestën e Ditës së Verës – 14 marsit.
Në Prishtinë dëbora e parë e dimirt që ka ikur ka reshur dy muaj para ardhjes me kalendar, që në vjeshtë – natën mes 22 e 23 tetorit.
Instituti Hidrometeorologjik i Kosovës parashikon se masat e lagështa të ajrit të ardhura nga ana verilindore e kontinentit do të vazhdojnë të mbesin të qëndrueshme edhe për dy ditët e ardhshme. Në këtë gjendje sinoptike do të mbajë mot kryesisht i vranët dhe me reshje shiu dhe dëbore në viset e ulëta, deri sa në viset malore do të bie vetëm dëborë. Vlera minimale e temperaturës së ajrit do të lëvizë në mes 1 e 2 gradë celsius, ndërsa maksimalja 4 deri 6. Do të fryjë erë nga ana e veriut dhe verilindjes, me shpejtësi 1-8 m/s.
Nga pasditja e ditës së mërkurë Kosova do të ndikohet nga fushat anticiklonike, të cilat pritet të jenë të qëndrushme dhe do të ndikojnë ngritje të lehta të temperaturave maksimale. Ngritjet më të ndieshme të temperaturave do të jenë nga dita e premte e tutje, ku maksimalet pritet të arrijnë deri 18 gradë celsius në fundjavë. Të shtunën e të dielën, edhe era do ta ndërrojë kahun, në drejtime të ndryshme do të fryjë e leht deri mesatare
/tesheshi/
