Kosova është nën heshtje zgjedhore përpara zgjedhjeve lokale të së dielës për kryetarë dhe këshilltarë të 38 komunave, mes tensioneve të larta mes Kosovës dhe Serbisë.
Javët e fundit në Kosovën veriore, shtëpia e një popullsie kryesisht serbe, janë shënuar me protesta dhe përplasje me policinë, së pari për futjen e targave speciale për automjetet që hyjnë në Kosovë me targa serbe, dhe më pas mbi aksionin e policisë së Kosovës për të luftuar krimin.
Zgjedhjet parlamentare i sollën fitoren Vetëvendosjes së kryeministrit Albin Kurti, i cili ishte në gjendje të formonte qeverinë më vete, kështu që zgjedhjet lokale janë testi i parë i madh politik për këtë parti.
Dy partitë më të mëdha opozitare, Lidhja Demokratike e Kosovës (LDK) dhe Partia Demokratike e Kosovës (PDK), po hyjnë në zgjedhjet lokale me ambicie për të ruajtur ndikimin në një numër komunash.
Lista Serbe ka kandidatë në të gjitha komunat me shumicë serbe dhe dëshiron të mbajë të gjitha vendet e kryetarëve të komunave.
32 parti politike, 34 nisma qytetare, një koalicion dhe 23 kandidatë të pavarur po konkurrojnë në zgjedhjet në Kosovë, në të cilat 1.88 milion votues kanë të drejtë të votojnë.
Gjithashtu marrin pjesë më shumë se 5,000 kandidatë për anëtarë të kuvendit komunal.
Votimi do të ndiqet nga më shumë se 20,000 vëzhgues, përfaqësues të shoqërisë civile, partive politike, mediave dhe ambasadave të huaja. /tesheshi.com/
