Kosova merr 66 milionë euro mbështetje nga Bashkimi Europian si asistencë paraanëtarësimit.
Marrëveshja financiare vjetore u nënshkrua nga ministri për Integrimin Evropian, Bekim Çollaku dhe nga drejtori për Ballkanin Perëndimor në Komisionin Evropian, Jean Eric Paquet. Mbështetja financiare e këtij programi në total është 66.050.000 euro.
Me këto fonde do të jepet mbështetje për sektorë si demokracia dhe qeverisja, sundimi i ligjit dhe të drejtat themelore të njeriut; energjia; konkurrenca dhe inovacioni; bujqësia dhe zhvillimi rural.
Projektet e para pritet të zbatohen në fillim të vitit të ardhshëm e në objektiv, do të jetë administrate publike për përmirësimin e performancës së të cilës janë ndarë një pjesë e mirë e fondeve. /tesheshi.com/
