Ndërsa kandidati i majtë për bashkinë e Tiranës ka vijuar fushatën elektorale duke shpërndarë legalizimet e disa familjeve në lagje të ndryshme të kryeqytetit, kandidati i djathtë, Halim Kosova, është ndalur për të takuar familjet e vjetra të këtij qyteti, duke vënë në dukje historinë e paraardhësve të tij dhe bujarinë e mikpritjen tiranase.
Ai është ndalur tek çështja e pronës ndërsa e ka cilësuar atë si të shenjtë dhe është shprehur se asnjë institucion, asnjë qytetar tjetër i Tiranës nuk do të gëzojë projekte madhore në kurriz të qoftë edhe një qytetari të vetëm që është pronar diku që e ka dem baba dem siç e thotë edhe ai këngëtari i mirënjohur.
“Ju premtoj që jo vetëm jam këtu që të kandidoj për Bashkinë e Tiranës si një njeri që do përkrah çdo lloj projekti që zhvillohet në të mirë të qytetarëve në vite, por jam këtu që edhe padrejtësinë që u është bërë qytetarëve të Tiranës, në veçanti ju, ta vëmë së bashku në vendin e duhur në vendin që ju meritoni”, tha Kosova. /tesheshi.com/
