Vonesa e formimit të qeverisë së re të Kosovës ka bërë që ndërkombëtarët të “humbin durimin” e të reagojnë.
Në fillim ishte BE që doli me një deklaratë, ku tha se “ne besojmë se palët në fjalë do të arrijnë konsensusin e nevojshëm për të tejkaluar sfidat e mbetura.
Kosova duhet që me urgjencë të vazhdojë punën në reforma për zhvillim ekonomik dhe shoqëror, si dhe sundim të ligjit, zbatimin e Marrëveshjes së Stabilizim-Asociimit BE-Kosovë dhe dialogun me Beogradin të cilin e lehtëson BE-ja.
Nevojitet një formim i shpejtë i qeverisë për të çuar përpara këto procese, në interes të Kosovës dhe popullit të saj dhe në përputhje me Kushtetutën dhe dëshirën e shprehur të elektoratit.
Më pas ishte Ambasada Amerikane, së cilës iu bashkua dhe ajo Britanike, duke deklaruar se “ne i bashkohemi thirrjes së Zyrës së Bashkimi Evropian në Kosovës. Qytetarët e Kosovës mezi presin formimin e qeverisë që do të sillte ndryshimet pozitive”.
Negociatat për formimin e qeverisë së re mes VV-së e LDK-sëkanë ngecur për shkak të postit të Presidentit, të cilën e kërkon këmbëngulësisht partia e Rugovës. /tesheshi.com/
