Përkundër paralajmërimeve, Koreja e Veriut ka lëshuar në hapësirë një raketë me rreze të gjatë, në shkelje të rezolutave të OKB-së.
“Ngjarje epokale” është cilësuar lëshimi i raketës nga makineria propagandistike koreanoveriore, si dhe “ushtrim në mënyrë legjitime i të drejtës për ta përdorur hapësirën për qëllime të pavarura dhe paqësore”.
Çka paraqitet si dërgimi i një sateliti në orbitë, shihet nga opinioni ndërkombëtar si një test i një rakete balistike. Kjo ka sjellë dhe reagimin e një sërë vendeve dhe institucioneve.
SHBA-të e quajtën lëshimin e raketës “destabilizues dhe provokues”, ndërsa kryeministri japonez, Shinzo Abe, e çmoi atë si “absolutisht të patolerueshëm”.
Kina po ashtu shprehu keqardhjen, e Rusia e quajti një goditje serioze për sigurinë rajonale.
Këshilli i Sigurimit i OKB-së pritet të mbajë një takim ditën e sotme me kërkesë të Koresë së Jugut. /tesheshi.com/
