Mesfushori i Barcelonës, Andres Iniesta, rinovoi këtë të premte kontratën e tij me klubin ku është rritur e zhvilluar.
Por detaji interesant i kontratës së re, është se firma e hedhur e lejon Barcelonën ta ketë lojtarin në “Kamp Nou” deri në fund të karrierës.
Deklarata zyrtare e klubit blaugrana, e cilëson kontratën e re, si të përjetshme.
Edhe presidenti Hoze Maria Bartomeu deklaroi se kjo ishte një marrëveshje historike, ndërsa Iniesta e cilësoi një ditë speciale këtë të sotmen.
“Kjo është një ditë e veçantë për mua sepse do vazhdoj të qëndroj në shtëpi. Dua të vazhdoj të bëj gjëra të rëndësishme këtu”, u shpreh 33 vjeçari pas hedhjes së firmës. /tesheshi.com/
