Një hetim i zyrtarëve grekë të antikorrupsionit në konsullatën e vendit helen në Stamboll ka zbuluar se gjatë viteve 2011-2014 janë lëshuar ilegalisht qindra viza.
Po ashtu mendohet që disa punonjës të konsullatës të jenë përfshirë në aktivitete të tjera të paligjshme, gjë që e ka detyruar ministrin grek të Shtetit, Panajotis Nikoludis, t’i urdhërojë inspektorët për t’i patur nën kontroll pasuritë e të dyshuarve e për t’i ngrirë llogaritë e tyre bankare nëse është e nevojshme.
Konsullata greke në Stamboll lajmëroi kohët e fundit se për “arsye teknike” nuk do të qe në gjendje të jepte viza.
Ministri grek i Shtetit ka urdhëruar hetimin e zyrtarëve të konsullatës, duke u kërkuar inspektorëve të përcaktojnë nëse pretendimet për korrupsion janë të vërteta. /tesheshi.com/
