Kryetari i Vetëvendosjes Albin Kurti, përkundër kritikave të vazhdueshme ndaj kryeminsitrit Ramush Haradinaj, megjithatë vazhdon të ketë një komunikim normal me të.
Kjo u pa edhe në konferencën “Skenarët e ‘Finales së Madhe’ ndërmjet Kosovës dhe Serbisë”, e organizuar nga Instituti Kërkimor për Çështje Evropiane dhe të Zhvillimit, ku ata bën një muhabet të përzemërt.
Por Kurti vazhdon të mos flasë me presidentin Hashim Thaçi. Ky i fundit pasi erdhi në sallën ku mbahej konferenca u përshëndet me kryeministrin, por jo edhe kryetarin e VV-së. As ky i fundit nuk i foli presidentit e as nuk u ngrit në këmbë siç bëri Haradinaj.
Në këtë konferencë, prezent është edhe ambasadori i SHBA-ve në Kosovë Greg Delawie, përfaqësues të partive e të shoqërisë civile. /tesheshi.com/
