Dita e Lirisë së Medias ka përplasur virtualisht krerët e politikës shqiptare, Rama e Basha. Ka qenë ky i fundit, i cili, referuar një raporti ku Shqipëria ka zbritur me shtatë vende, shkruan media nën qeverisjen e Ramës po jetoj kohë të vështira, e se më ardhjen e tij në pushtet çdo gjë do të ndryshojë.
“Gjendja e përkeqësuar e medias në Shqipëri u reflektua me rënien me 7 vende në indeksin botëror të Lirisë së Medias, në raportin e së cilës shprehet shqetësimi ‘për kapjen e mediave dhe përqendrimin e tyre në duart e një grushti biznesmenësh’. Përdorimi i medias për avancimin e interesave ekonomike dhe jo për interesin publik është problemi kryesor që i ka ulur medias besueshmërinë tek publiku dhe ka bërë që 80% e gazetarëve të shprehen se nuk kanë besim për të ardhmen e tyre profesionale.
Gjendja e përkeqësuar e lirisë së medias gjatë qeverisjes së Edi Ramës reflekton gjendjen e vërtetë të demokracisë në Shqipëri.
· Zgjedhje të blera
· Drejtësi politike
· Gazetarë të censuruar
Personalisht, jam angazhuar që, me marrjen e drejtimit të qeverisjes së vendit, do të bëj gjithçka për të forcuar lirinë e medias si shtyllë kryesore të demokracisë. Gazetarët meritojnë të jenë pushteti i katërt dhe jo një vegël propagande në duart e kryeministrit”, shkruan Basha.
Ka reaguar Rama, i cili e konsideron atë çfarë shpreh Basha si një “komedi të zymtë”.
“Ç’komedi e zymtë me djegësit, rrahësit e shantazhuesit e deridjeshëm të gazetave, gazetarëve e mediave që flasin në emër të lirisë së tyre! Po shyqyr ka gjykatës për të gjithë dhe për të gjithë sa bëhen e thuhen, vjen dita e gjykimit me votë. Pa merak, vonon po nuk harron 2012-shi…”, shprehet Rama. /tesheshi.com/
