Komandanti i KFOR-it gjenerali Francesco Paolo Figliuolo ka bërë thirrje që të mos dramatizohet me rrezikun e terrorizmit.
“Mendoj se ky kërcënim është në mbarë botën dhe për mendimin tim nuk është një kërcënim specifik, por është global dhe nuk është se Kosova është në shënjestër më shumë se vendet e tjera”, ka komandanti i trupave të NATO-s në Kosovë gjatë një ceremonia që zhvilloi në Deccan ku u përurua një urë që është ndërtuar nga NATO.
Dy muaj pas nënshkrimit të marrëveshjes së ndërtimit, sot në mëngjes u zhvillua ceremonia e hapjes së urës “Bejli” afër manastirit të Deçanit, në Kosovë.
Projekti është mbështetur fuqimisht nga komandanti i KFOR-it, gjeneral major Francesco Paolo Figliuolo, për të zgjidhur problemet operacionale në mënyrë që të lejohen ushtarët e KFOR-it të Grupi Shumëkombësh i Betejës Përendim për të mbrojtur manastirin, ku KFOR-i vepron si reagues i parë për sigurinë e tij.
Gjithashtu në këtë ceremoni ishin shumë të ftuar nga institucionet në Kosovë, përfaqësues të Kishës Ortodokse Serbe dhe të organizatave ndërkombëtare që veprojnë në Kosovë.
Komandanti i KFOR u shpreh se ndërtimi i urës është një simbol i rolit të KFOR-it në përmirësimin e marrëdhënieve në mes të përfaqësuesve të Kishës Ortodokse Serbe dhe atyre të Komunës së Deçanit.
Ura e re do të shfrytëzohet edhe nga komuniteti lokal, dhe hapja e saj do të mundësojë një qasje më të shpejtë dhe më të sigurtë në disa zona të komunës, duke mundësuar në të njëjtën kohë zhvillimin e mundshëm të zonës në dobi të gjithë popullit të Kosovës.
Gjenerali Figliuolo tha se, “normalizimi i marrëdhënieve dhe zhvillimi socio-ekonomik janë faktorë themelorë dhe esencialë të stabilitetit dhe mund të kontribuojnë për të parandaluar rritjen e çfarëdo lloji të ekstremizmit”./tesheshi.com/
