Auto Dak
Auto Dak
Auto Dak

Kokëdhima “shkon” në Egjipt: plas dhe atje një debat i nxehtë mbi legalizimin e kanabisit – një rast që mund të vlejë dhe për Shqipërinë

Grupe të ndryshme influence në Egjipt tentojnë ta legalizojnë tregtimin e kanabisit nën pretekste të ndryshme, si p.sh. për të rritur të ardhurat në buxhetin e shtetit etj. Pavarësisht nga prania e kundërshtimeve qoftë të grupeve fetare apo atyre sociale, ato janë duke theksuar se tregtarët e kanabisit duhet të jenë subjekt i tatimit, si të gjithë tregtarët e tjerë.

Të  riut egjiptian, Saud Muhamedit, i duket e pabesueshme se mund të vijë një ditë kur do të shkojë në dyqan, për të blerë lirisht “një kaush apo një kana kanabisi” pa iu dridhur qerpiku dhe pa i hedhur njëherë sytë përreth se mos po e ndjekin, apo pa u trembur nga ideja se shitësi mund të jetë i infiltruar, e shumë e shumë peripeci të tjera që heq ai e të rinjtë e tjerë për të blerë hashashin apo “mjeshtrin e duhanit”, siç e quajnë disa.

Por mesa, duket qeveria po lëviz për t`i sheshuar barrierat me të cilat përballet Suadi dhe të tjerë, në mënyrë që kjo të bëhet e disponueshëm në çdo kohë. Një zyrtar i Lidhje së Shoqatave të Tregtimit të Cigareve ka bërë thirrje për lejimin e kultivimit dhe tregtimit të kanabisit në mënyrë ligjore, duke e konsideruar atë si një burim shtesë i të ardhurave kombëtare, që kontribon në kurimin e defiçitit buxhetor, përmes imponimit të taksave ndaj shitësve dhe konsumuesve të saj.

Gjasat për legalizimin e tregtisë së kanabisit nga ana e regjimit egjiptian po rriten, pasi shumë gazetarë dhe politikanë në favor të tij janë përpjekur për të promovuar idenë se tregtia e kanabisit është e lejuar në shumë vende të botës dhe se shteti mund të përfitojë miliardat duke tatuar fitimet marramendësve të tregtarëve ilegalë.

Osama Gazali, udhëheqësi shquar i Partisë Liberale, ishte i pari që e mbështeti idenë, konfirmoi në një deklaratë për shtyp se e pranon çështjen, pasi siç tha ai: “i shërben buxhetit të përgjithshëm të shtetit (…) është si tregtimi pijeve alkoolike dhe se legalizimi saj do sjell racionimin dhe kontrollimin e tregtisë së hashashit, duke zvogëluar kështu përqindjen e përdoruesve të saj”.

Përdoruesit e mirëpresin

Përdoruesit e hashashit në Egjipt kanë shprehur tashmë kënaqësinë e tyre me këtë propozim. Njëri prej tyre pra, Suadi, në intervistën e tij për Aljazeera-n tha se do të ishte një hap i mirë nga ana e qeverisë, duke theksuar se paligjshmëria e tregtisë së kanabisit nuk e ka penguar përhapjen e saj gjatë viteve të fundit.

Ai shpjegoi se tregtarët e drogës përfitojnë më shumë si pasojë e mungesës së legjislacionit ndaj kësaj tregtie, pasi ata fitojnë dhjetë herë më shumë tani sesa po të legalizohet. Fjala bie, unë blej përafërsisht 400-500 $ hashash për një herë, sepse nuk më rastis për ta marrë atë në çdo kohë dhe me cilësi, por në qoftë se shitja e kanabisit do legalizohet, atëherë do të bleja një copë të vogël prej 4-5$ në çdo kohë. Pra çmimi saj tashmë është dhjetë herë më i lartë se ç`mund të jetë po të legalizohet”

Katastrofë sociale

Por Ahmed Halafi, rreth 30 vjeç, beson se kjo ide do të ishte një “katastrofë” për komunitetin, sepse do të çonte në përhapjen e saj kudo dhe në promovimin e përdorimit të saj, kështu që rrugët, institucionet, kafenetë, madje edhe shtëpitë do të mbushen me të dehur dhe të pandërgjegjshëm, të cilëm mund të shkaktojnë edhe krimeve morale apo penale.

Ahmedi, i cili punon si kamarier, shtoi se: “unë ndaloj këdo nga pirja e hashashit brenda kafenesë, por në qoftë se qeveria e lejon atë, nuk do të jem më në gjendje për ta ndaluar dhe kafenetë do të kthehen në pijetore.”

Ai arriti në përfundimin se Sisi është duke u përpjekur për të mbledhur para në çdo mënyrë, duke vënë në dukje se legalizimi kanabisit do të jetë një dritare në legjislacion nga ku do të lejohen të hynë edhe drogëra të tjera si Afjoni, ndërkohë që mund të përbëjë dhe një preceden të rrezikshëm po ashtu në legalizimin e prostitucionit, etj. Kjo në vetvete do të bëjë që populli të ngrihet kundra tij, sepse askush në Egjipt nuk do t`i pranojë të gjitha këto, sipas këndvështrimit të tij.

Ndërsa publicisti dhe shkrimtari Muhsin Xhadi, tha për Aljazeera-n se ideja do ishte e e kuptueshme dhe pranueshme, nëse jetonim në shoqëri të civilizuara nga ku shoqëria e ka kulturën për t`u sjellur me maturi karshi gjërave të tilla, mirëpo parë kjo në kontekstin e shoqërisë së varfër dhe të pakulturuar egjiptiane, atëherë mund të themi se situata do precipitonte me të vërtetë në një katastrofë sociale.

Në kundërshtim me Kushtetutën

Por në rastin e Egjiptit, Xhadi thotë se “regjimi tiranik kërkon të zgjidhë krizat ekonomike me çdo mjet nga njëra anë, ashtu siç kërkon të fus në gjendje amullie dhe përhumbje miliona të rinj, pasi ata përfaqësojnë një kërcënim serioz për mbijetesën e tij, nga ana tjetër. Pra duket sikur me një gur do të vras dy zogj.”

Përsa i përket anës ligjore, ekspert ligjor Ahmed Hatibi, tha për Aljazeea-n se kërkesa në vetvete është ligjore, pasi është e drejtë e çdokujt që të bëjë thirrje për dekriminalizimin e diçkaje. Por ai shpjegoi se kërkesë ligjore nuk do të thotë pranim ligjor, sepse kushtetuta egjiptiane përcakton ligjin islam si një ndër burimet e legjislacionit, kur dihet se në Sheriat tregtia e çdo lloj droge është e ndaluar.

Hatibi shtoi se: ‘’Nuk mund të bëhet analogji midis legalizimit të tregtisë së pijeve alkoolike me legalizimin e kanabisit, veçanërisht pasi legalizimi i pijeve alkoolike është po ashtu një çështje e debatueshme në shoqërinë egjiptiane, përsa i përket anës legjislative. Ashtu siç përpjekjet për të ringjallur e buxhetin e shtetit përmes kësaj tregtie është e paarsyeshme, pasi prish imazhin e ekonomisë egjiptiane dhe e vë atë në listën e ekonomive të dyshimta, si dhe mund të hapë derën për shumë aktivitete të tjera të ndaluara nga legjislacioni dhe tradita e mirë zakonore egjiptiane siç mund të jetë tregtia e organeve, trafiku qenieve njerëzore, prostitucioni, etj.’’

Përgatiti: Enklid Pelari – /tesheshi.com/

auto pjese dak

Related posts