Blendi Klosi është prezantuar sot si ministër i ri i Mirëqenies Sociale dhe Rinisë. Në takim ka qenë edhe ish-ministri Erjon Veliaj, aktualisht kandidat i mazhorancës për kreun e bashkisë së Tiranës.
Por në faqen e MMSR ende nuk ka ndodhur ndryshimi. Në këtë sit që përbën document zyrtar, Erion Veliaj është ende ministër. Për burokracinë, siç duket ndryshimet vijnë me vonesë…
Paraditen e së hënës u prezantua Blendi Klosi si ministër i ri i Mirëqenies Sociale dhe Rinisë.
Ish-ministri Erion Veliaj, pasi prezantoi rezultatet e institucionit që ai drejtoi deri para pak kohësh, theksoi se puna e mirë do të vijojë nën lidershipin e Klosit.
Klosi deklaroi: “Erion Veliaj dhe stafi i tij ka bërë një punë të palodhur dhe largpamëse në drejtimin e kësaj ministrie dhe unë do të vazhdoj me reformat e nisura”.
Ministri premtoi se në fokusin e tij do të jetë punësimi.
“Do të kemi në fokus punën. Punësimi i të rinjve është i domosdoshëm. Duhet të gjejmë hapësira të reja punësimi”, tha Blendi Klosi.
