Me të marrë lajmin se Jurgen Klopp nuk do të jetë trajner i Borusia Dortmundit në sezonin e ardhshëm, shumë klube evropiane i janë vënë pas. Premier Liga duket të jetë destinacion i mundshëm për gjermanin që me “milionerët” shkruajti një histori në faqet e futbollit.
Fushatat se cilin klub do ta menaxhojë Klopp sezonin e ardhshëm nuk kanë të ndalur. Tani gjermani po lidhet me një kalim të mundshëm tek londinezët e Arsenal. Madje, edhe disa nga gazetarët ishullorë, siç Piers Morgan, kanë shkruar haptas dëshirën që Klopp të marrë drejtimin e “topçinjëve”.
Mirëpo, siç duket Arsenal do të jetë në luftë me Manchester Cityn për t`i siguruar shërbimet e gjermanit, pasi besohet se “citizens” veç se i kanë dhënë rrugët kilianit Manuele Pellegrinit, ndërkohë Arsenal duhet të mendojë të pushojë njëherë francezin Arsene Wenger që është afro dy dekada tek londinezët. /tesheshi.com/
