Huawei raportoi të ardhura të qëndrueshme për vitin 2019, në një kohë kur grupi kinez i teknologjisë vazhdon të rritet përkundër fushatës amerikane kundër veprimeve të tyre, por paralajmëroi që përparimi i vitit të ardhshëm mund të ishte më sfidues.
Eric Xu, presidenti i kompanisë, shkroi në një mesazh në kuadër të Vitit të Ri për punonjësit, duke informuar se të ardhurat e kompanisë tejkaluan 122 miliardë dollarë amerikanë (850 miliardë juanë kinezë) këtë vit, duke përfaqësuar një rekord të ri për kompaninë dhe një rritje prej 18 përqind për vitin e kaluar.
Xu tha që Huawei, i cili është prodhuesi i dytë më i madh në botë i smartphone-ve, shiti 240 milion pajisje këtë vit, nga 206 milion vitin e kaluar.
“Këto shifra janë më të ulëta se parashikimet tona fillestare, megjithatë biznesi është i fortë dhe ne qëndrojmë të fortë, duke u përballur me vështirësi,” shkroi ai.
Ai pranoi që Huawei po përballet me një fushatë “strategjike dhe të zgjatur” kundër biznesit të saj të drejtuar nga qeveria amerikane. Nëse fushata zgjat, do të krijojë një mjedis edhe më të vështirë për fushatën 32-vjeçare për të “mbijetuar dhe lulëzuar”, tha ai.
Shtetet e Bashkuara e kanë renditur këtë vit Huwaei-in për Departamentin e Tregtisë, duke vendosur kufizime të reja në aftësinë e tyre për të shitur dhe për të ruajtur marrëdhëniet tregtare me kompanitë amerikane. Qeveria amerikane gjithashtu u bëri thirrje aleatëve të saj që të mos përdorin produktet e Huawei-t në ndërtimin e një modeli të ri të infrastrukturës së telekomit, duke argumentuar se kompania kineze paraqet një kërcënim për sigurinë kombëtare. /tesheshi.com/
