Kinë: ajo që njeriu në timon s’e priste…

Shoferi i një fuoristradë shpëtoi paq pasi makina e ra në një çarje rruge për shkak të shiut të rrëmbyeshëm në Kinën veriore.

Pamjet e kamerave të marra në qytetin Harbin, provincën Heilongjiang, treguan automjetin duke rënë në gropë.

Sipas raportimeve dy automjete kanë pësuar të njëjtin fat.

Më pas u vendosën masa emergjente dhe që atëherë kjo pjesë e rrugës është bllokuar.

Ndërkohë, gjashtë persona kanë vdekur dhe katër të tjerë rezultojnë të zhdukur pasi shirat e rrëmbyeshëm goditën provincën Jilin të Kinës veriperëndimore.

Kina është goditur nga reshje rekord në javët e fundit. Pekini njoftoi dje, të premten, se 147 njerëz u vranë ose u zhdukën nga fatkeqësitë natyrore muajin e kaluar. Numri përfshin vetëm viktimat e para të tajfunit Doxuri, i cili ka goditur Kinën kontinentale që nga fillimi i javës përpara se të nisej drejt veriut.

Gjashtë persona kanë vdekur dhe katër janë zhdukur në qytetin verilindor të Kinës, Sulan, pas reshjeve të dendura, sipas agjencisë shtetërore të lajmeve New China, duke cituar sot autoritetet lokale.

Reshjet në këtë rajon “në thelb kanë përfunduar”, sqaron agjencia.

Pothuajse 19,000 njerëz u zhvendosën nga shtëpitë e tyre dhe u krijuan 21 “vendbanime të përkohshme prej zhvendosjes”. /tesheshi.com/