Çiftet në Kinë tani do të mund të kenë dy fëmijë. Kina ka vendosur të ndryshojë politikën e ‘një fëmije’ pas një mbledhje të Partisë Komuniste në Pekin. Ligji mbi lindjet ishte vendosur në vitin 1979, si zgjidhje për problemin e mbipopullimit dhe të ndotjes së lartë në vend. Që prej vitit 2009 disa çifteve iu ishte dhënë mundësia për të pasur dy fëmijë. Me ligjin e ri, këtë mundësi do ta kenë të gjitha çiftet.
Vendimi i ndryshimit të ligjit u paraqit nga komiteti qendror i Partisë Komuniste Kineze, i cili ka mbyllur në Pekin mbledhjen e pestë plenare.
Zërat në lidhje me ndryshimin e ligjit qarkullonin pasi ekspertët kishin sinjalizuar për rrallimin e rritjes së popullsisë shumë më shpejt sesa ishte parashikuar. Në të njëjtën kohë, plakja e popullsisë po rritej me ritme të shpejta dhe shqetësuese./tesheshi.com/
