Argjentina, Kili, Paraguai dhe Uruguaj synojnë të paraqesin një kandidaturë të përbashkët për organizimin e Kupës Botërore në vitin 2030.
Presidenti kilian Sebastian Pinera konfirmoi këtë synim në rrjetet sociale, duke deklaruar se është arritur një marrëveshje midis katër shteteve të Amerikës së Jugut që kërkojnë organizimin e Botërorit.
Fillimisht, plani ishte që vetëm Argjentina, Paraguai dhe Uruguai të ofertonin, por më pasi iu bashkua dhe Kili.
Të katër vendet kanë për qëllim të organizojnë Botërorin më të madh të futbollit në Amerikën e Jugut, saktësisht 100 vjet që nga ai i organizuar në Uruguaj.
Dëshira për të organizuar Kupën Botërore në vitin 2030 e kanë shfaqur dhe kandidatë të tjerë të përbashkët si Marok, Spanjë dhe Portugali, dhe Serbia, Greqia, Bullgaria dhe Rumania.
Botërori i radhës pritet të luhet në Katar në vitin 2022 dhe katër vjet më vonë do të organizohet nga Shtetet e Bashkuara, Meksika dhe Kanadaja. /tesheshi.com/
