Ukraina tha të premten se ushtria ruse kishte rekrutuar gati një mijë mercenarë nga Siria.
“Pushtuesit rusë, të cilët pësuan humbje të mëdha gjatë luftës, tashmë kanë rekrutuar mercenarë nga trupat nën komandën e regjimit (sirian) Bashar al-Assad dhe të ashtuquajturës ushtri Hezbollah”, tha Shtabi i Përgjithshëm i Forcave të Armatosura të Ukrainës.
Shtabi i Përgjithshëm i Forcave të Armatosura të Ukrainës njoftoi se rreth 14,200 ushtarë rusë u vranë në luftë.
Shtabi i Përgjithshëm publikoi të dhëna për humbjet e ushtrisë ruse për periudhën nga 24 shkurti deri më 18 mars. U theksua se 14.200 ushtarë të ushtrisë ruse që sulmuan Ukrainën u vranë.
Gjithashtu është bërë e ditur se janë shkatërruar 93 avionë, 112 helikopterë, 450 tanke, 1448 automjete të blinduara, 205 topa, 72 sisteme raketore dhe 43 sisteme të mbrojtjes ajrore të forcave ruse, raporton Anadolu Agency (AA).
Sipas Kievit, janë pikërisht këta tregues që e kanë detyruar Moskën të kërkojë ndihmën e mercenarëve të huaj. Në rastin e sirianëve, sigurisht te rreshtuar në regjimin e Assadit, ky konsiderohet një “kthim borxhi” i presidentit sirian ndaj Putinit, i cili iu bë krah për të mposhtuar forcat anti-regjim./tesheshi.com/
