Nga Blendi Gashi
Agjencia kundër korrupsionit në Kosovë ka publikuar të enjten pasdite në faqen zyrtare të saj në internet regjistrat e deklarimit të rregullt vjetor të pasurisë së zyrtareve të lartë publik, në pajtim me Ligjin për deklarimin, prejardhjen dhe kontrollin e pasurisë, dhe deklarimin, prejardhjen dhe kontrollin e dhuratave.
Pasuria e shumicës së zyrtarëve të shtetit që nga paslufta është rritur në mënyrë enorme, për çka vë në dyshime prejardhjen reale.
Ata përveç që kanë shtëpi, banesa, para të deponuara në banka, janë aksionarë në kompani të ndryshme, posedojnë poashtu vetura tejet të shtrenjta që vështirë për të mos thënë është e pamundur mund të blihen me pagat mujore që marrin nga buxheti i shtetit.
Pasanik të vërtetë brenda pak viteve nuk janë bërë vetëm qeveritarët por edhe kryetarët e komunave të varfra të Kosovës.
Kryekomunarët kosovar edhe pse marrin pagë mujore diç më shumë se një 1000 euro, disa prej tyre kanë në pronësi vetura super të shtrenjta.
Portali mbarëkombëtarë tesheshi.com ka vëzhguar formularët e pasurisë për vitin 2016-të, të politikanëve që udhëheqin komunat e Kosovës për të kuptuar se çfarë vetura vozitin ata.
Kryetari i Shtërpcës, Bratislav Nikoliç, veturë në vlerë 79.500 euro
Sipas deklarimit të pasurisë të bërë në AKK në vitin 2016-të veturën më të shtrenjtë nga të gjithë kryetarët e komunave del ta ketë, kryetari i Shtërpcës, Bratislav Nikoliç, i cili ka deklaruar veturë të tipit Land Rover në vlerë 79.500 euro të cilin thotë se e ka blerë në vitin 2015.
Kryetari i dytë me veturën më të shtrenjtë është Sokol Bashota, kryetar i Klinës i cili ka deklaruar veturë në vlerë 16 mijë euro dhe një veturë tjetër në vlerë 9 mijë euro siç e ka shkruajtur në pronësi të bashkëshortes.
Besim Ilazi, kryetar i Kaçanikut, renditet i treti me veturë të tipit Mercedes në vlerë 15 mijë euro të blerë në vitin 2015 siç ka shkruar me vetfinancim.
Sokol Haliti, kryetar i Vitisë posedon veturë të tipit Passat në vlerë 15 mijë euro të cilën thotë se e ka blerë nga kredia e marrë në viti 2008.
Shpend Ahmeti, ka deklaruar veturë të tipit Skoda në vlerë 11 mijë euro të cilën e ka blerë në vitin 2009
Valdeta Kostiq, kryetar i Graqanicës, ka deklaruar dy vetura, njëra në vlerë 11 mijë euro dhe tjetra në vlerë 3500 euro
Burim Berisha, kryetar i Fushë Kosovës, veturë Golf 6 në vlerë 10 mijë euro dhe Audi A3 veturë 10 mijë euro
Goran Rakiq, kryetar i Mitrovicës së Veriut posedon veturë Grand Cherokie në vlerë 10 mijë euro.
Gazmend Muhaxheri, kryetar i Pejës posedon veturë në vlerë 10 mijë euro të cilën e ka blerë në vitin 2013
Rasim Selmanaj, kryetar i Deçanit, ka deklaruar veturë në vlerë 8 mijë euro të cilë n thotë se e ka blerë në vitin 2007
Imri Ahmeti, kryetar i Lipjanit ka deklaruar veturë në Audi A4 në vlerë 8 mijë euro si dhe një veturë Golf 4 në pronësi të fëmijëve.
Muharrem Sfarqa, kryetar i Ferizajt, posedon veturë në vlerë 7500 te blerë në vitin 2015
Begzad Sinani, kryetar i Kamenicës, ka në pronësi veturë në vlerë 5100 euro të blerë në vitin 2009
Lutfi Haziri, kryetar i Gjilanit, posedon një veturë modeste në vlerë 3 mijë euro të blerë në vitin 2006
Agron Kuçi, kryetar i Junikut, posedon veturë WV Pasat në vlerë 5 mijë euro të blerë në vitin 2009
Sretko Spasiq, kryetar i Kllokotit, posedon kamion Volvo në vlerë 4 mijë euro
Ragip Begaj, kryetar i Malishevës posedon veturë në vlerë 5 mijë euro
Arif Butuc, kryetar i Mamushës ka deklaruar veturë Peugeot 307 në vlerë 3200 euro.
Idriz Vehapi, kryetar i Rahovecit posedon veturë në vlerë 4 mijë euro të cilën e ka blerë në vitin 2010
Sali Asllanaj, kryetar i Suharekës ka deklaruar veturë në vlerë 4300 euro në pronësi të fëmijëve
Bjaram Mulaku, kryetar i Vushtrrisë ka deklaruar veturë në vlerë 3500 euro
Svetislav Ivanoviç, kryetar i Novobërdës (Artanës) ka deklaruar veturë në vlerë 3500 euro dhe një kamion në vlerë 7 mijë euro.
Kryetarët e “varfër” pa vetura private
Stevan Vuloviç, kryetar i Zubin Potokut nuk ka deklaruar të ketë veturë
Ramadan Muja, kryetar i Prizrenit nuk ka deklaruar të ketë veturë
Agim Veliu, kryetar i Podujevës nuk ka deklaruar të ketë veturë
Refki Suma, kryetari i Hanit të Elezit – nuk ka deklaruar veturë
Dragan Nikoliq, kryetar i Parteshit nuk ka deklaruar të ketë veturë
Vucina Jankoviç, kryetar i Zveçanit nuk ka deklaruar të ketë veturë
Kurse Mimoza Kusari Lila, kryetare e Gjakovës, Sami Lushtaku kryetar i Skenderajt, Haki Rugova, kryetar i Istogut, Xhafer Gashi kryetar i Obiliqit dhe Agim Bahitiri, kryetar i Mitrovicës së Jugut, nuk e kanë deklaruar pasurinë, andaj nuk dihet se çfarë vetura kanë në pronësi. /tesheshi.com/
