Një media greke ishte e para që hodhi lajmin që Piro Vengu, shefi i kabinetit i ministrit të Jashtëm shqiptar, Ditmir Bushati, është kërkuar nga ministria e Mbrojtjes e Greqisë për të kryer shërbimin ushtarak në vendin fqinj, pasi Vengu ka bërë letrat e homogjenitetit dhe quhet një greko-shqiptar, pra ka dy shtetësi.
Ka dy ditë që politika shqiptare zien për këtë argument, jo vetëm nga opozita, por edhe mazhoranca po sulmojnë shefin e diplomacisë shqiptare.
Ditën e sotme, Bushati gjatë një aktiviteti për imazhin e Shqipërisë në botë, ka anashkaluar përballjen me gazetarët, duke u larguar nga dera e prapme e ministrisë.
Por realisht çka ndodhur?! Ditmir Bushati ka emëruar në stafin e tij, disa të rinj që kurrë nuk kanë qenë pjesë e diplomatëve me peshë apo me eksperiencë.
Ai për këtë ka marrë kritikat më të forta që në fillim të detyrës, duke e cilësuar këtë si diletantizëm.
Ish-ambasadori i Shqipërisë në Berlin dhe Athinë, Bashkim Zeneli edhe në biseda informale, por edhe në analiza të zgjeruara e ka cilësuar politikën e përzgjedhjes së stafit të Bushatit, si jo shumë të përshtatshme.
Por në fakt, Piro Vengu, shefi i kabinetit të Ministrit të Jashtëm shqiptar, nuk është përjashtim i një fenomeni që prej kohësh vazhdon në politikën shqiptare.
Ka ministra dhe krerë institucionesh që kanë dy shtetësi. I pari është shefi i shërbimit sekret shqiptar, Visho Ajazi që zotëron edhe shtetësinë Kanadeze, ish-Drejtori i Përgjithshëm i Policisë së Shtetit, Ilirian Didi, kishte edhe shtetësinë e SHBA-së. Ish-ministri i Mbrojtjes Sabit Brokaj tha se ka edhe një ish-ministër Mbrojtjeje që ka dyshtetësi. Natyrisht është fjala për Pandeli Majkon që ka edhe shtetësin ë Kosovës.
Pirro Vengu, këshilltar i Bushatit, është një bashkëpunëtor i ngushtë i ministrit të Jashtëm prej kohësh në sektorin e integrimit europian. Ai njeh mirë çështjet e lobingjeve të Brukselit pasi ka jetuar jashtë dhe me organizmat që kanë pasur të bëjnë me Bashkimin Europian.
Por në asnjë vend nuk është afishuar një CV e tij si për këtë çështje edhe më parë. Kur plasi skandali kjo duket se ishte e detyrueshme por nuk pati asnjë sqarim. Gjë që rriti më shumë tymnajën dhe dyshimet. Por uli korrektesën qeveritare. Megjithatë politika e përdori më keq pëtë problem, kur pas akuzave të opozitës, mazhoranca akuzoi edhe Lulzim Bashën që ka dyshtetësi he mund të thirret ushtar nga Holanda. Thua të jenë kaq shumë?!
/tesheshi.com/
