Me mbërritjen e vjeshtës, edhe flokët kanë nevojë për kujdes të veçantë, për t’i mbrojtur ata nga i ftohti dhe temperaturat e ulëta. Ashtu siç është në vetë e nevojshme t’i mbrosh nga dielli për të eliminuar shkatërrimin e tyre, gjatë vjeshtës është mirë të parandaloni dëmet që mund të shkaktohen nga agjentët atmosferikë si era, shiu apo lagështia e tepërt në ajër.
Shpesh mendohet se rreziku për majat e flokëve është vetëm vera me temperaturat e larta, por edhe në vjeshtë, kur temperaturat ulen, flokët mund të dëmtohen. Gjatë ndryshimit të stinës, flokët janë më të dobët dhe kjo është periudha kur ata bien më shumë. Nuk bëhet fjalë për ndonjë problem me rrënjën, por për një fenomen natyral që zgjidhet brenda pak javësh. Nëse doni që ta mbani larg këtë fenomen, mund të konsumoni ushqimet e duhura që forcojnë flokët.
Me stinën e ftohtë është shumë e thjeshtë që flokët të bëhen pis, për shkak të shiut, erës dhe borës. Nëse nuk doni që t’i lani ato shumë shpesh, mund të përdorni maska natyrale, në mënyrë që të keni rrënjë dhe majë flokësh të shëndetshme.
Mund të duket edhe si një banalitet, por me uljen e temperaturave, është e rëndësishme të mbulojmë jo vetëm hundën, por edhe kokën: nëpërmjet shamive, shalleve apo edhe kapeleve, arrijmë të mbrojmë rrënjën e flokëve jo vetëm nga rënia e tyre, por edhe nga ndotja e papastërtitë.
Ndonjëherë, kur hyjmë në shtëpi pas një dite veçanërisht të ftohtë, tentojmë të përdorim ujë të ftohtë për të ngrohur trupin, por bëni kujdes pasi temperaturat shumë të larta të ujit mund të dëmtojnë flokët dhe t’i bëjnë ata të jenë të dobët, ndaj këshillohet të përdoret ujë i vakët.
Pasi të mbaroni së lari flokët me shampo, mos harroni të thani flokët mirë e mirë me një peshqir dhe të vendosni një krem mbrojtës për majat. Në këtë mënyrë do të evitoni majat e dyfishta si pasojë e të ftohtit. Për në vjeshtë janë shumë të këshillueshme dhe efektive produktet që përmbajnë aloe vera, të cilat ekuilibrojnë nivelin e ph dhe floku nuk thahet tej mase./tesheshi.com/
