“Sulmi në Guam do të konsiderohet si një sulm ndaj Shtetet e Bashkuara”, paralajmëroi Guvernatori i Guam-it, në përgjigje të kërcënimit të Koresë së Veriut se do të krijojë “një hark të zjarrtë” përreth territorit të SHBA-së.
Populli i Guam-it u zgjua të enjten nën një kërcënim tjetër të Phenianit se deri kah mesi i gushtit do të përpilojë një plan për të nisur katër raketa me rreze të mesme në ujërat rreth ishullit në Paqësorin perëndimor.
Megjithatë, Guvernatori i Guam-it, Eddie Calvo paralajmëroi udhëheqjen e Koresë së Veriut se ky sulm do të konsiderohet një sulm mbi Shtetet e Bashkuara.
“Çdo lloj sulmi do të jenë i pasuksesshëm, por njëkohësisht sulmi në Guam do të konsiderohet si një sulm kundër Shteteve të Bashkuara dhe ndaj këtij sulmi do t’i kundërvihet një forcë e madhe”, tha Calvo Al Jazeera.
Dhe ndërsa disa banorë të Guam-it thonë se janë të bindur që mbrojtja ushtarake e SHBA-së do t’i mbrojë ata në rast të një sulmi nga Koreja e Veriut, të tjerët janë duke shqyrtuar plane për situata të jashtëzakonshme me familjet e tyre.
“Në fakt, gjendja është e frikshme që nga dje”, tha Kate Quiambao, një banore e Guam.
“Tani për tani jemi duke bërë plane me familjen se çfarë do të bëjmë tutje. Po përpiqemi që të planifikojmë nëse do të ketë një situatë të jashtëzakonshme dhe gjëra si kjo.”
Ushtria amerikane në Guam ka dy baza në të cilën janë vendosur 7.000 ushtarë: baza ajrore ushtarake Anderson në veri si, dhe baza detare Guam në jug.
“Besoj që prania ushtarake në Guam të jetë një ndihmë e madhe për ne”, thotë 51-vjeçari Virgie Matson, një banor i Dededo, fshati më i banuar në Guam.
“Ata janë këtu për të mbrojtur ishullin, në rast se ndodh diçka”, thotë ai. /tesheshi.com/
