Mund të jetë një eksperiencë shumë e këndshme por duhen marrë parasysh shumë aspekte që para nisjes. Në radhë të parë duhet zgjedhur një orar i përshtatshëm që të mos prishet regjimi i bebes.
Zakonisht kompanitë e lira kanë orare shumë të papërshtatshme, ndaj dhe mund të zgjedhni të paguani pak më shumë por të udhëtoni më të qetë.
Zgjidhni të bëni check-in online, nëse nuk keni valixhe, në mënyrë që të shmangni rradhët e stërzgjatura.
Sigurohuni që të keni në çantën e bebes të paktën dy palë ndërresa për çdo rast (nëse nevojitet të ndërrohet disa herë gjatë udhëtimit apo dhe në rast humbje apo vonese valixhesh).
Për të shmangur të papritura në lidhje me ushqimin në avion është mirë të merrni masa duke përgatitur diçka që nga shtëpia.
Mos harroni ndonjë lodër për në avion për t’u argëtuar gjatë pritjeve apo besdisjes nga ngjithja apo zbritja e avionit. /tesheshi.com/
