Grupi i Vishegradit hodhi poshtë propozimin e Komisionit Europian për rishpërndarjen e mëtejshme të 120 mijë refugjatëve në të gjithë Bashkimin Europian
Pas samitit të tyre në Pragë, grupi përmes një deklarate të përbashkët të katër kryeministrave të Çekisë, Hungarisë, Polonisë dhe Slovakisë, tha se është i gatshëm për të ofruar ekspertë dhe pajisje për mbrojtjen e kufijve të jashtëm të zonës Shengen dhe për të intensifikuar luftën kundër kontrabandistëve.
Të katër udhëheqësit thanë se ata duan që vendet e tyre të marrin pjesë në mënyrë aktive në trajtimin e krizës migrimit në këtë mënyrë.
Në deklaratën e përbashkët, të katër vendet ranë dakord për të rritur ndihmën financiare dhe materiale për grupet më të prekshme e refugjatëve dhe vendet me popullsi të madhe të refugjatëve. Gjithashtu, ata ranë dakord që politika europiane duhet të përqendrohet më shumë në rrugën e migrimit të Ballkanit, përveç rajonit të Mesdheut. Komisioni i BE-së do të propozojë rishpërndarjen e refugjatëve që kanë mbërritur në Itali, Greqi dhe Hungari javën e ardhshme. /tesheshi.com/
