Autoriteti i Menaxhimit të Katastrofave Natyrore në Pakistan raportoi se ka shkuar në 70 numri i viktimave nga përmbytjet, ndërkohë që ekipet e shpëtimit vazhdojnë punën në terren për t’u ardhur në ndihmë qindramijëra njerëzve të bllokuar.
Prej dy javësh, rreth 300 000 qytetarë janë të bllokuar në një qytet periferik pa ushqime dhe pa ujë të pijshëm.
”Shirat kanë sjellë përmbytjen e qindra fshatrave në zonën lindore duke i detyruar dhjetëra mijëra njerëz të lënë shtëpitë e tyre”, deklaroi Autoriteti i Menaxhimit të Katastrofave Natyrore.
“Helikopterët ushtarakë dhe ekipet e shpëtimit u përpoqën t’u vijnë në ndihmë banorëve të bllokuar në malet e qytetit Chitral, afër kufirit me Afganistanin, pasi reshjet e rrëmbyeshme shkaktuan prishjen e argjinaturës së liqenit akullnajor, duke marrë përpara disa fshatra”, thuhet në deklaratë.
“Moti i keq dhe shirat e vazhdueshme kanë vështirësuar përpjekjet për shpëtim. Të paktën 30 pacientë dhe turistë u evakuuan nga helikopterët ushtarakë”, deklaroi një zyrtar ushtarak./tesheshi.com/
