Ditë pas dite, bilanci bëhet më i rëndë për emigrantët shqiptarë në periferitë e Athinës, aty në fillimjavë ndodhën vërshimë dhe përmbytje apokaliptike.
Federata e Shoqatave të Shqiptarëve në fqinjin jugor, e cila është bashkimi i të gjitha organizimeve të emigrantëve, lëshon alarmin se gjendja është mjaft e rëndë dhe kërkojnë ndihmë edhe nga shteti shqiptar.
Siç bën të ditur për tesheshi.com Nestor Dede, sekretar i FSSHG-së, kanë ardhur njerëz nga ambasada shqiptare në Athinës që kanë thënë se ka një urdhër nga qeveria e Tiranës për të regjistruar dëmet që u janë shkaktuar shqiptarëve atje.
Dede thotë se ka patur një aksion të gjerë vullnetar, pasi ka më shumë se 20 familje që kanë humbur gjithçka, ndërsa të tjera kanë pësuar deme të konsiderueshme.
Dede thekson se sot ka nisur dhe një aksion i madh i të gjithë shoqatave për të mbledhur ndihma në mënyrë që t’jua dërgojnë familjeve të dëmtuara.
“Filloi mbledhja e ndihmave materiale për bashkatdhetarët e dëmtuar në Mandra nga Federata e Shoqatave Shqiptare në Greqi. Çdo veshje, apo orendi është e mirëpritur pasi ndihmon ata njerëz që kanë humbur gjithçka”, thotë Nestor Dede.
Marjanthi Jani (ish-Meremja në kushte shqiptare), një nga aktivistet më të njohura shqiptare në Greqi e cila ka shkuar vetë në zonën e katastrofës ka postuar foto nga dëmet e shkaktuara në familjet shqiptare.
Ja ç’shkruan Marianthi e cila në faqen e saj ka edhe emrin që ka pasur në Shqipëri, Mereme Koro:
“Ne keto dite te veshtira ku permbytjet kane prekur dhe demtuar dhe familjet tuaja, me zemer ne dore u bej thirrje te solidarizohemi me njeri tjetrin dhe te ofrojme sadopak ndihme per ta kaluar sebashku kete fatkeqesi natyrore qe ka shkaktuar deme materiale dhe njerezore.
Te gjithe kemi nevoje per njeri tjetrin, femijet kane nevoje per veshmbathje, ushqim dhe ngrohtesi njerezore ndersa kryefamiljaret per mbeshtetje dhe kurajo njerezore ne rradhe te pare.
Fotot nuk kane nevoje per koment dhe tregojne kushtet e veshtira ku jeta duhet te rifilloje, por edhe pse ne keto kushte ekstremisht te veshtira familjet shqiptare kane force te mbijetojne.
Flamuri shqiptar valevitet ne cdo shtepi, si burim shprese dhe force dhe si krenari. Shqiptari nuk perkulet dhe as dorezohet lehte.
Ne solidarizohemi me te gjithe shtetasit greke po ashtu te cilet po vuajne keto pasoja te tmerrshme ashtu si ne.
Te jemi te bashkuar, te ofrojme ndihme aq sa mundemi me cfare kemi mundesi dhe te mos kursehemi ndaj njeri tjetrit.
Zoti na ndihmofte dhe ruajte femijet shqiptare dhe greke, te moshuarit, dhe te gjithe njerezit ne nevoje, te prekur nga kjo fatkeqesi.
Me dhimbje te madhe, ju ftoj te mblidhemi sipas datave dhe vendeve te percaktuata, per te ofruar ndihmen tone e per te mos i lene vetem ne kete fatkeqesi motat dhe vellezerit tane”!
Marianthi ka postuar mjaft foto nga dëmet, të cilat japin një panoramë më të qartë të problematiës që duet shumë e rëndë. /tesheshi.com/
