Dhe kjo ndodhi në zemër të një vendi “armik”, në Emirate, pasi ndeshja u luajt në stadiumin “Zayed Sports City” në Abu Dhabi.
Fitorja konsiderohet si “e madhe” edhe për faktin se u arrit të mundej Japonia, e cila mban pozitën e liderit me katër tituj kampion të Azisë, ndjekur nga Irani dhe Arabia Saudite me nga tre.
Kjo fitore e Katarit vjen ndërsa vendi i vogël i Gjirit përgatitet për Botërorin 2022, i pari në një vend arab. E gjithashti dhe në kohën e një pozite të vështirë politike, pasi katër fqinj arabë – Arabia Saudite, Bahreni, Emiratet dhe Egjipti, i kanë vënë prej dy vitesh një bllokadë nga toka, ajri e deti, me pretendimin se ky vend mbështet terrorizmin. /tesheshi.com/
