Eugene Kaspersky mohoi lidhjet e kompanisë së sigurisë kibernetike që ai ka themeluar me qeverinë ruse. Ai këmbëngul se produktet e saj nuk përbëjnë asnjë rrezik për konsumatorët amerikanë.
Në një intervistë dhënë për BBC, Kaspersky komentoi vendimin e administratës Trump për të ndaluar përdorimin e produkteve të sigurisë kibernetike “Kaspersky” nga agjencitë qeveritare.
Ky vendim i autoriteteve amerikane u mor pas shqetësimeve se kjo kompani është vulnerabël ndaj influencës së Kremlinit.
“Përveç faktit që unë jetoj në Moskë dhe që kompania që unë kam themeluar vepron sipas ligjeve ruse të sigurisë kibernetike, nuk ka asnjë lidhje tjetër me qeverinë. Akuzat që ne kemi lidhje të forta me agjencitë ruse të spiunimit nuk janë të vërteta”, thotë ai.
Lidhur me këtë vendim të administratës Trump ka reaguar edhe Kremlini, që e cilësoi bllokimin e “Kaspersky” si pjesë e manovrave të konkurencës së pandershme të ndërmarra nga SHBA./tesheshi.com/
