Që nga fillimi i sulmeve deri më tani në Jemen kanë humbur jetën mbi 3 mijë e 500 persona. Në një konferencë për shtyp të organizuar nga zyra e OKB-së në Gjenevë, zëdhënësi i Organizatës Botërore të Shëndetësisë pranë OKB-së (OBSH), Christian Lindmeier tha se në konfliktet e armatosura nga datat 19 mars deri në 10 korrik në Jemen kanë humbur jetën 3 mijë e 640 persona dhe janë plagosur 17 mijë e 302 të tjerë.
Ndërkohë zëdhënësi i Komisonerit të të Drejtave të Njeriut pranë OKB-së, Rupert Colville tha se në këtë konflikt numri i civilëve të vrarë shkon në njëmijë e 693 persona, ndërsa i atyre të plagosurve arrin në 3 mijë e 820 persona.
Colville tha gjithashtu se për shkak të konfliktit të armatosur në Ed-Dali nuk mund të deportohet ndihmë humanitare.
Colville sqaroi se ka informacione që Huthitë përdorin fëmijët si luftëtarë. Në fjalën e tij ai shtoi gjithashtu se rreth 1.6 milion fëmijë kanë nevojë për mjekim dhe trajtim mjekësor për shkak të ushqyerjes së çrregullt, si dhe për shkak të shkollave të mbyllura rreth mbi 1.8 milionë fëmijë kanë mbetur pa arsim.
Koalicioni i udhëhequr nga Arabia Saudite për të parandaluar përparimin e Huthive në vend me thirrjen e presidentit legjitim të vendit, Abdurabu Mansur Hadi nisi një ofensivë ajrore më 26 mars 2015. Përsëri me kërkesë të Hadit dhe qeverisë së tij operacioneve iu dha fund më 21 prill.
