Mjetet e transportit të drogës janë sprovuar të gjitha që kur trafikantët përballen me policinë. Këtë herë, në Kaliforni patrullat e policisë detare kanë arritur të kapin e sekuestrojnë 8 tonë kokainë që transportohej me nëndetëse.
Policia tha se bëhet fjalë për një nga sasitë më të mëdha të lëndëve narkotike të sekuestruara ndonjëherë në historinë e Shteteve të Bashkuara.
Sasia ishte ndarë në 275 thasë dhe vlera e tregut arrinte në 181 milionë dollarë. Policia arrestoi katër trafikantë, si poseduesit e kësaj ngarkese gjigante.
Policia ka arritur të nxjerrë nga nëndetësja vetëm gjashtë tonë, pasi dy të tjerat u lanë në bord në përpekje për ta balancuar mjetin e sajuar nga vetë trafikantët si nëndetëse, e për ta nxjerrë në tokë.
Mjeti nënujor u përmbyt dhe shkoi në fund të ujërave. /tesheshi.com/
