Një operacion i policisë holandeze ka pakur një sasi të madhe kokaine e destinuar për në Europën Perëndimore, drogë që kontrollohet nga klanet shqiptare.
Bëhet fjalë për 4 milionë euro mall, që u arrit të kapej falë një operacioni infiltrimi. Në pranga kanë rënë pesë shqiptarë, të cilët ishin prezentë në portin e Roterdamit, ku u kap një sasi prej 120 kg kokainë.
Në dy operacionet, policia ka gjetur disa burra me çanta në kontenierët e portit. Forcat e policisë kanë përdorur qen antidrogë dhe helikopterë, me anë të të cilëve u bë e mundur kapja e shqiptarëve.
Nga kontrolli, policia gjeti kokainë të veshur në vendetë të ndryshme në kontenierët brenda portit, një sasi kokaine, e cila në total shkonte 85 kg.
Pesë shqiptarët e arrestuar janë të moshës nga 27 deri në 43 vjeç. Një prej shqiptarëve të arrestuar është kafshuar dhe nga qeni për zbulimin e drogës.
Kur pas një kontrolli më të imtësishëm në kontenierë, policia gjeti edhe 35 kg të tjera kokainë. Në total, 120 kg kokainë, me vlerën e tregut, do të kapnin shifrën prej 4 milionë eurosh.
Sipas policisë holandeze droga vjen nga Ekuadori. Pas sekuestrimit, mediet holandeze raportojnë se sasia e kokainës është asgjësuar.
Punonjësit e policisë së doganës dhe policia veproi pas raporteve se disa burra ishin parë në konteniere afër portit me disa çanta sportive.
/tesheshi.com/
