Policia franceze ka shënjestruar një numër të zgjeruar të shqiptarëve që jetojnë në këtë vend dhe merren me trafik klandestinësh, duke i dërguar në Britaninë e Madhe. Në një operacion të fundit u kapën 6 veta që transportonin njerëz duke i futur në kamionë që më pak hipnin në tragete.
Lajmi është konfirmuar nga zyra e prokurorit të Boulogne-sur-Mer. Në mesin e të arrestuarve janë katër shqiptarë, ndërsa e pesta është një grua që jeton në Francë, por nuk është dhënë hollësi në lidhje me nacionalitetin e saj.
Disa burime policore kanë thënë se ky grup po bashkëpunonte me disa drejtues kamionësh. Për të shkuar nga Shqipëria në Britaninë e Madhe një person i paguan trafikantit 12 mijë euro, nga këto 3 mijë i takojnë transportuesit nga Tirana në Francë dhe pjesa tjetër grupit që i dërgon në Angli.
/tesheshi.com/
