Milani në krizë të thellë dhe jo vetëm përsa u përket rezultateve pas humbjes me Udinezen. Presidenti i kuqezinjve, Silvo Berluskoni, sipas mediave italiane thuasje e ka shkarkuar trajnerin nga detyra, ndërsa nga ana e tij, Superpippo ka akuzuar publikisht skuadrën, duke vendosur madje ta dënojë me një grumbullim të paprecedent deri të mërkurën, ditë kur do të zhvillohet takimi i radhës me Genoan për javën e 32 të Serisë A.
Mësohet gjithashtu se gjatë udhëtimit me autobus për në aeroport, Inzaghi i ka arritur dozat e akuzave teksa disa lojtrarë janë revoltuar, duke iu kundërpërgjigjur me të njëjtën momedhë.
Përtej këtyre zhvillimeve aspak të këndshme, në kampin milanist prioritet mbeten cështjet që lidhen me të ardhmen e shoqërisë, pasi presidenti Berlusconi është i përqendruar te takimi me mister Bee, ku mund të vendoset për shitjen e aksioneve. Për momentin është vendosur që Inzaghi të mos lëvizë deri në fund të sezonit, por përplasja e tij me lojtarët e bën thuajse të pamundur vijimin e bashkëpunimit. Sulmit të Inzaghit një nga lojtarët i është kundërpërgjigjur me fjalët ti nuk bën si trajner. Situata mbetet e tensionuar, ndërsa të mërkurën ndaj Genoas, do të zbresin në fushë vetëm ata futbollistë, që sipas Inzaghit, e meritojnë fanellën kuqezi. /tesheshi.com/
