Tomor Alizoti, i vetmi i djathtë klasik në PD, një parti që drejtohet nga një ish-komunist si Sali Berisha, një mishërim i njeriut të ri të ish-regjimit hoxhist, gjatë një fjalimi në një tubim elektoral Elbasan, iu drejtua kundërshtarëve politikë, socialistëve, me frazën “do ju hamë të gjallë”.
Ndaj, këtej e tutje, me gjasë, emri i tij në politikë do identifikohet me këtë frazë të pazakontë.
Kujtomë se Tomor Alizoti u shpërfaq në jetën publike në vitet 2009-2010, duke spikatur si një i ri i arsimuar në Perëndim, pa angazhime politike. Ai veçonte për një kulturë diplomatike, diplomuar në këtë lëmi në Gjermani. Kishte një rrezatim intelektual, por kjo deri sa pa u angazhuar me PD-në. Dhe sapo u përfshi te kjo forcë, e cila në gjithçka përcjell atë që është Berisha në karakter e stil politik, edhe Alizoti, si shumë e shumë të tjerë si ai, u varfërua në fjalor e mendim, për t’u shndërruar në një partiak të rëndomtë dhe pa asnjë shans për sukses politik(siç). /tesheshi.com/
