Kryetari i Listës Serbe, Goran Rakiç, që pritet të garojë përsëri për kryetar të Komunës së Mitrovicës Veriore, ka thënë se partia e tij të gjitha vendimet i merr në konsultime me Beogradin.
Sipas Rakiç, edhe listat dhe kandidaturat për zgjedhjet e ardhshme lokale do të bëhen në konsultime dhe pajtim me politikat e qeverisë serbe.
“Ne i marrim të gjitha vendimet në konsultime me Beogradin dhe me njerëzit tanë, sepse janë ata që ne i përfaqësojmë, problemet e të cilëve duhet t’i zgjidhim”, shkruan Novosti.
Rakiç, rival për të parin e Mitrovicës Veriore do të ketë një Oliver Ivanoviçin.
Ndërsa kandidatë të tjerë nga kjo parti për qytetet e tjera me shumicë serbe në Kosovë besohet të jenë: Srdjan Popoviç, për Graçanicën dhe Bratislav Nikoliç për Shtërpcën./tesheshi.com/
