Kancelarja gjermane Angela Merkel, gjatë vizitës në Tiranë ka zhvilluar një takim të shkurtër kokë më kokë edhe me Presidentin Bujar Nishani.
Takimi ka zgjatur pak minuta dhe në qendër të tij ka qenë bashkëpunimi mes dy vendeve, kryesisht në fushën e ekonomisë. Gjithashtu, në fokus ka qenë edhe procesi i integrimit të Shqipërisë në BE, me kancelaren që ka konfirmuar mbështetjen e Gjermanisë.
Nga ana e tij, Presidenti Nishani ka konfirmuar angazhimin e shtetit shqiptar për realizimin e reformave jetike në këtë drejtim.
