Edhe pse ka fituar trofeun e 12-të të Champions League-s, Reali i Madridit synon një përforcim të skuadrës me elementë të rinj.
Njëri prej tyre, më i spikaturi mbase në futbollin europian gjatë këtij sezoni, është sulmuesi i ri i Monakos, Kylian Mbappé.
Vetëm 18 vjeç, ai shënoi 26 gola për Monakon, duke e ndihmuar atë të shpallej kampione e Francës.
Radio Montecarlo pretendon se Reali i Madridit po përgatit një ofertë prej 135 milionë eurosh për sulmuesin e talentuar; një shifër e barabartë me një rekord botëror në fushën e transferimeve.
Reali ka bërë më herët dy oferta të tjera për Mbappé-në, në shifrat 100 dhe 115 milionë euro.
Nëse realizohet, marrëveshja për blerjen e tij parashikon qëndrimin te Monako dhe në sezonin e ardhshëm, pasi do ta kishte të pamundur të bëhej menjëherë pjesë e formacionit kryesor.
Tre klube të tjera që kanë shprehur interes për Kylie Mbappé-në janë Mançester Junajtedi, Çelsi dhe Arsenali. Juventusi është po ashtu një destinacion i mundshëm për të talentuarin francez. /tesheshi.com/
